കരുതലോടെ പിടിച്ചിട്ടും.....
കൈവെള്ളയില്‍ നിന്നും വഴുതിപോയ
ഇനിയും പിടികിട്ടാത്ത രസതന്ത്രം!
വരാല്‍ പഠിപ്പിച്ച ഗ്രഹപാഠം
വഴുതലിന്റെ കാന്തികശക്തി
ബയോ-കെമിസ്ട്രി-ഒരു പ്രണയബിരുദം!
സര്‍ഗ ഭാവനയുടെ നീര്‍ കയത്തില്‍
മുങ്ങിയെടുത്ത പിടക്കും തീം-മാല്‍
എഴുത്തുമേശയിലെ ഭാവന മണക്കും
അത്യന്തം അപൂര്‍വമാം വിഭവം!
എരിവും പുളിയും ഇത്തിരി കൂട്ടി
സായിപ്പിന്‍റെ ഭാഷയില്‍ ഒരു മാസ്റ്റെര്ഴ്സ്!
ഉറങ്ങുന്നവരെ ഉണര്‍ത്താം ...
ഉറക്കം നടിക്കുന്നവരെ എങ്ങനെ?
ഉത്തരം തേടി അലഞ്ഞാണ്
കണ്ണ് തുറന്നുറങ്ങുന്ന മത്സ്യങ്ങള്‍
അവസാനം ഗവേഷണ വിഷയമായത്!
